Ginapahaom eon ro grupo maghalin sa Pilipinas nga maga-adto sa Turkey para magbulig sa mga biktima it 7.8 magnitude naga linog.
Ginkumpirma ni Pangueong Ferdinand Marcos Jr.,nga ro 85-man team hay ginakaeakipan it mga engineer ag healthworkers.
Magabulig sigon ro mga raya sa pag-inspeksyon it mga edipisyo eabi eon gid ag padayon pa ro nae-eksperyensyang mga aftershocks, samtang ro medical team hay maga-alalay sa mga naninahan tuga it sakuna.
Magadungan sa pagpanaw it grupo ro mga gamit nga kinahangeanon it mga biktima it linog kapareho it mga haboe ag eambong.
Nag-commit man sigon ro sangka Turkish airline company nga sanda ro magahatod team kamana man sa mga kagamitan ag goods nga bitbit it grupo.
Hindunang gabi-e ginaeauman nga magabiyahe ro grupo paagto it Ankara, Turkey.
