Ginkwestyon ni Aklan Vice Gov. Reynaldo “Boy” Quimpo sa ginpatigayon nga regular session it Sangguniang Panlalawigan ro kawad-an it eksakto nga amount sa ginaduso nga resolusyon kaangot sa pagpatindog it isolation buliding.
Raya hay sa tunga gihapon it nagapadayon nga paeag it coronavirus infectious disease (COVID-19).
Suno kana, posible nga madelay ro construction engkaso gidman nga maaprubahan sa plenaryo ro proposisyon kon uwa raya it nagakaigong amount.
Bangud kara, anang gineaygayan si Board Member Nelson Santamaria nga imaw ro nagaduso it nasambitang resolusyon nga ibutang ro nagakaigong amount agud nga sa pagtalakay sa plenaryo.
Madumduman nga nagrequest ro pamunuan it Provincial Hospital nga makaangkon it dugang nga isolation building.
Suno kay Dr. Paul Macahilas, gusto nanda nga makaangkon it separado nga edipisyo nga intended eamang sa mga pasyente nga iga-isolate.
Ginpahayag dugang nga kon may kaugalingon nga isolation building hay gilayon nga ma-isolate ro mga pasyente kaparehas sa insidente it COVID-19.
