Sa pihak it kakueangan it dokumento, insigidang gin-aprubahan ro ginpasa nga resolusyon ni Aklan first district board member Apolinar Cleope sa ginpatigayon nga session it Sangguniang Panlalawigan it Aklan nga mataw-an it sangka unit it emergency vehicle ro lokal nga gobyerno it Balete.
Raya hay matapos nga nabasa sa plenaryo ro sueat ni Governor Jose Enrique “Joen” Miraflores nga nagapasugot sa natungdan nga ipasunod eon lang ro kueang nga dokumento ag aprubahan ro nasambit nga resolusyon.
Una kara, nagpangayo it kaklaruhan si second district board member Jay Tejada nga ham-an it aprubahan insigida ro proposisyon nga may kueang pa nga dokumento partikular ro deed of donation kon siin insigida man raya nga ginpaathag it natungdan nga author it resolusyon hasta nga ko ulihi hay ginkasugtanan sa plenaryo nga aprubahan raya.
