Nagpasa it daywang ka magkaseparadong resolution ro sangguniang panlalawigan it Aklan nga nagapaabot it simpatya ag condolences sa pamilya it mga kilaeang opisyal nga namatay ko nagtaliwan nga adlaw.
Una kara, ginpahayag ni SP Aklan secretary Merlyn Montaño nga ginpaabot nanda ro resolution it simpatya sa pamilya ni Hon. Ronald H. Exmundo, presiding judge it regional trial court branch IV sa ginpatigayon nga necrological service sa nasambit nga korte.
Si Exmundo hay tubong Tapaz, Capiz ag naging dating sangguniang panlalawigan member it probinsya kamana man kapin sa 12 anyos nga nagpanerbisyo sa probinsya it Aklan bilang presiding judge.
Samtang sa pihak nga parte, kaparehong resolusyon man ro ginpasa it mga opisyal kasunod man sa pagtaliwan sa pihak nga kinabuhi it dating alkalde it banwa it Banga nga si Atty. Jeremy Fuentes sa edad nga 69.
Imaw hay naging mayor sa nasambit nga banwa ko 2004-2007 ag maabo man nga law firm ro anang natrabahuan antes pa man imaw nga naging alkalde ag nagpanerbisyo sa mga banganhon sa sueod it sangka termino.
