Ginaproponer makaron ni Sangguniang Bayan Member Ronald Marte ro resolution nga nagatuyong inpeksyunon it Department of Tourism ro mga bar and restaurants sa banwa it Kalibo.
Raya hay para mabuligan ro mga nasambit nga establisyemento nga makaangkon it nagakaigong promotion.
Engkaso nga makapasar ro sangka bar and restaurant sa pagahimuon nga pag-inspeksiyon hay igabutang raya sa mga magazine it Department of Toursim nga nakaplastar sa mga eroplano ukon barko.
Suno pa kay Sangguniang Bayan Member Ronald Marte nga nagapatimaan aeamang nga napasueod sa tourism standard ro nasambit nga mga kaean-an kung raya hay may accreditation.
Angot kara, nakadepende man sa tag-iya it establisyemnto kung sanda hay interasado nga makaangkon it accreditation.
Ginklaro ni Marte nga ro nasambit nga accreditation hay bukon it pieilitan.
Samtang, sambilog man rayang tikang para mapabaskog pa gid ro kaugalingon nga tourismo iya sa banwa it Kalibo.
Sa pihak nga parte, ginkumpirma man ni Marte nga pagatukuran it mga nagkaeain-eain nga restaurants ag amusement parks sa may bahin it Pook Port sa pagpanguna man it lokal nga gobyerno para mas mapasanyog pa gid ro turismo sa banwa it Kalibo.
