KALIBO, Aklan — Nagpang euya ag shock ro mga naga panag iya it resort sa Boracay sa naging rekomendasyon itinter-agency task force nga gina eakipan it interior, environment ag tourism departments nga ipasara ro isla sa sueod it sang dag-un para sa rehabilitasyon.
Sa interview it Bombo Radyo Kalibo, gin pahayag ni Nenette Aguirre-Graf, presidente it Boracay Foundation Incorporated (BFI) ag Sangguniang Bayan member it banwa it Malay nga owa nanda gina eauman ro sang dag-un nga pagpasara bangud ro bug-os nga pag eaum nanda hay daywang buean eamang.
Sa pihak kara, naintindihan sigon nanda ro naging rekomendasyon it inter-agency task force.
Mabahoe sigon ro magiging epekto nito sa pagsueod it mga estrangherong turista nga mas piniling agtunan ro isla kaysa sa ibang tourist destination sa Pilipinas, kamana man ro ambag nga bilyones pisos nga kita kara sa kaban it nasyun ag probinsiya it Aklan.
Gin batikos ni Graf ro inter-agency task force bangud sa paiba-ibang statement dahilan nga mas makapamayad sigon nga hueaton eon lang ro anunsiyo
ni Pangueong Rodrigo Duterte.
Gin puna man ni Graf ro kawad-an it plano para sa mga maapektuhang investors ag mga trabahador nga gina sugid nga paga himuong construction worker.
May pilang establisimento man sigon sa isla ro gin pauli eon ro andang mga trabahador kahapon.
Paga abuton sigon it haeos P20-million ro pagagastuson sa paglimpiyo sa bug-os ng isla.
