-- ADVERTISEMENT --
KALIBO, Aklan— Bangud sa grabeng eamig it tyempo ukon ro ginatawag nga polar vortex sa pilang bahin it Amerika, matsa nakakabatyag it suffocation ag haeos indi eon maghambae ro pilang mga tawo idto.
Sa interview it Bombo Radyo kay Mr. Glenn Zolina nga presenteng naga-istar sa Chicago, Illinois, ginpahayag kara nga masyadong madamoe ro snow kon siin, mapeligro para sa mga motorista bangud sa madanlog daean.
Ginpahayag dugang nga nag-deploy eon ro gobyerno it mga snow vehicles sa nasambitang lugar agud mapabinit ro mga snow sa highways ag nagbutang eon man it asin sa mga tulay.
Samtang, sigon makaron ro respiratory diseases bangud sa grabeng eamig ag sa kamatuoran sigon hay daywang adlaw nga nakansela ro klase sa nasambitang lugar.
