Ginpaathag it sangka eksperto ro importansya it pagtao it tamang pag-alaga sa ikaayong eawas eabi eon sa mga pamatan-on agud makalikaw sa Respiratory Tract Infection.
Suno kay Dr. Nikki James Francisco, sangka pediatrician nga kaabuan sa mga ginatamaan it infection hay ro mga mahina nga immune system ukon mga unga nga naga-edad lima panaba.
Dapat sigon nga i-monitor it mayad it mga ginikanan ro andang unga eabi eon kung makitaan it sintomas.
Base sa datus, ro respiratory infection nga may maabong kaso hay ro ubo, sip-on, flu ag influenza.
Engkaso sigon nga makitaan it grabeng sintomas ro pasyente hay insigida raya nga daehon sa pinakamaeapit nga klinika ukon ospital.//Dugang pa kara nga kada dag-on hay nakakaangkon it re-emegence it mga respiratory infections.
Samtang, mabahoe sigon ro maibulig it immunization sa paglikaw it grabeng baeatian.
