Kapin sa waeo ka mga menor de edad ro ginaturo nga responsable sa sunog nga nag-eontad sa Purok 6, Brgy. Batuan sa banwa it Ibajay bandang ala-1:29 it aga-aga ko Hulyo 30.
Suno kay FO2 Maria Fe Señeres it Bureau of Fire Protection ukon BFP- Ibajay, nagaabot sa P200,000 pesos ro naging danyos it nasunog nga tatlong ka motorsiklo, sangka bisikleta ag tricycle nga ginapanag-iyahan ni Mr. Marlon Salido ag anang mga onga.
Ro nasambit nga mga behikulo hay una sa sueod it garahe kon sa siin nagguwa sa imbestigasyon it BFP nga panakaw it gasolina ro motibo it mga suspek apang lighter sigon ro ginamit nanda bilang iwag bangud nga madueom ro lugar.
Bangud sa langis ro andang ginabueo hay nag-ignite ro plume it lighter nga nagkriar it kaeayo.
Pagkataeopangod sigon it mga raya nga mabahoe eon ro kaeayo hay anda nga gin-aywanan ro lugar kon siin totally burn ro nasambit nga mga behikulo mag-eowas sa tricycle nga nabilin ro side car bangud nga human raya sa stainless.
May kaangtanan kara, nagpadumdom si FO2 Señeres sa mga ginikanan nga sikyaron ro andang mga inonga pag-abot it gabie agud nga inde ro mga raya maimbolbar sa maskin anu man nga insidente.
