-- ADVERTISEMENT --
Kalibo Aklan ——–Naugdaw ro sangka rest house matapos nga masunog bandang 1:00 it agahon sa Sitio Guba, Brgy. Tigayon, Kalibo.
Suno kay FO1 Jhonreil Magno it Bureau of Fire Protection (BFP) Kalibo, ro nasambit nga 2 storey rest house hay ginapanag-iyahan ni Glenn Carlos y Meren, 62-anyos ag residente it nasambit nga lugar.
Ginapahayag nga uwa eon ginagamita ro nasambit nga rest house sa baylo hay ginatambakan eon lang raya it kahoy it tag-iya.
Nakasambit man sigon raya nga nagsuga imaw maeapit sa rest house nga raya ro posible nga ginhalinan it kaeayo nga tumupok sa propyedad.
Ginatantya nga kapin sa P20,000 pesos ro danyos it nasambit nga insidente.
-- ADVERTISEMENT --
