KALIBO, Aklan—Opisyal eon nga ginpaguwa it Civil Service Commission ukon CSC ro resulta it ginpatigayon nga Paper and Pen Test ko Marso 13.
Suno kay Leo Jamorin, provincial director it CSC Aklan, sa kabilugang 70,833 nga aktwal nga nagbueo it eksaminasyon sa bilog nga nasyon, 12,179 ukon 17.19 percent ro mga nakapasa.
Sa nasambit nga numero 9,651 ukon 16.94 percent ro nakapasa sa proffessional level halin sa kabilugang 56,980 nga nagbueo.
Samtang 2,528 ukon 18.29 percent man ro nakapasar sa kabilugang 13,853 nga nagtake it sub-professional level.
Ginklaro ni Jamorin nga maskin sa mga nagtaliwan nga dinag-on hay manaba gidman ro numero it mga indibidwal nga nakakapasar sa nasambit nga eksaminasyon ag raya ro ginakabig nga most challenging bangud nga nagakinahang-ean raya it grabeng preparasyon sa parte it examinees.
Sa mga CSC passers suno kana hay pwede nga mabueo ro andang certificate of eligibility umpisa June 13 sa regional office it komisyon kon siin magdaea eamang it valid identification card para sa pagclaim kara.
Samtang sa pihak nga parte, may masunod nga eksaminasyon sa buean it Agosto kon siin maga-umpisa ro filing sa June 2 hasta it 16.
Kinahang-ean nga ipreparar it examinees ro anang kaugalingon kon siin nagakadapat man nga sayuron ro coverage it examination agud sa anang pag-istudyo sa mga raya.
