KALIBO, Aklan–Pilang oras eon lang ro pagahueaton ag iga-anunsyo eon ro bag-ong presidente it Estados Unidos.
Haeos bilog nga kalibutan ro nagabantay kung sin-o ro magapangibabaw sa tunga nanday US President Donald Trump ag Democratic Presidential Nominee Joe Biden.
Suno kay Bombo International Correspondent Lyne Mira Norstrom it Chittenden County, Vermont, USA nga masyado sigon nga matunog ro pangaean ni Biden sa andang estado bangud sa mga tikang kara nga ginahimo sa isyu it Coronavirus Disease 2019 ukon COVID-19 pandemic ag foreign policies.
Maabo sigon nga mga pumueoyo it Vermont ro gustong iboto si Biden bangud sa pagpati nga madumaeahan kara it mayad ro nasyon ag pagatutukan ro health care system nga eubos nga ginakinahang-ean makarun it Amerika.
Ginpahayag dugang nga posibleng nakapaaekto sa desisyon it mga tawo ro personalidad ni Trump.
Ro Vermont hay may 3 nga electoral votes.
