KALIBO, Aklan—Nagapadayon ro retrieval operation it rescue team sa missing sa narumpag nga 12 storey condo unit sa Miami, Florida.
Suno kay Bombo International Correspondent Carol Aguirre-Griffin it Riverview, Florida naga-eaum pa ro mga rescuer nga may mahaw-as sanda nga buhi pa sa kapin 150 nga missing kon sa siin ginahimo nanda ro tanan nga tikang para makit-an ro mga ginmaduea nga indibidwal.
Ginpahayag nga ro nasambit nga edipisyo hay nakitaan eon it mga giltak bukon eamang it mga pader kundi maging sa pundasyon kara.
Gindeklara eon man raya nga delikado nga istaran rason nga ginaimbestigahan eon makaron it mga otoridad kon ham-an it maabo gihapon ro nag-istar sa nasambit nga edipisyo.
Sa pihak nga parte, nagbulig eon ro ibang nasyon sa pagrescue sa mga biktima.
