KALIBO, Aklan—Ginkumpirma ni Engr. Joey Ureta it Department of Public Works and Highways ukon DPWH nga haeos 100% eon nga tapos ro status ko revetment wall nga nahamtang sa Brgy. Jumarap, Banga nga may 62 meters ro kahabaon.
Ro expansion it proyekto hay ginbase sa kabahueon it pondo.
Apang ginaeauman nga raya hay maduganagn pa ukon masugpunan sandig sa gindihon nga proposal.
Ro nasambit ng revetment wall hay gintaw-an it pondo sa bulig it taeatapan ni Cong. Carlito Marquez, bangod sa delikado ro nasambit nga nahamtangan it revetment wall kada magbaha.
Ro proyekto hay ha-bidding ko buean it Enero ag gin-award sa contractor ku Marso ag eagi nga gin-umpishan ro proyekto ku Marso 2023.
Padumdom ni Engr. Ureta nga kinahang-ean man sigon it mga barangay ro mga flood control projects ag revetment wall.