KALIBO, Aklan—Nagapangunang rason it heart disease sa nasyon hay ro ginatawag nga rheumatic fever.
Ro komplikasyon sa tagipusuon maghalin sa rheumatic fever hay kilaea man sa tawag nga rheumatic heart disease ukon RHD.
Suno kay Dr. Donna Mae Ilio, sangka cardiologist nga ro rheumatic fever hay isaeang ka inflamatory disease nga naga-umpisa sa simpleng strep throat nga owa naagapan ag nag-grabe.
Ro streptococcus bacteria ro nagadaea it strep throat ukon ro scarlet fever man sa tawong naga-angkon kara.
ro strep throat hay isaeang ka bacterial infection nga nagiging rason it paghaeok ag pagpaeanakit it tutunlan.
Ro kaabuan sa naka-eksperyensiya kara hay ro mga unga nag naga edad it lima hasta 15 anyos.
Puwedi man rayang sundan it eagnat, pagpuea it tutunlan, sakit it ueo, ag kalisod sa pagtueon.
Agud nga makalikaw sa rheumatic fever, importanteng maging alerto sa pabalik-balik nga pagpanaeakit it tutunlan ag siguraduhon ro pag-inom ag pagtapos it antibiotics nga ginresita it doktor.
