KALIBO, Aklan–Nakalista ro Rural Health Unit (RHU)-II Kalibo it daywang ka mga kaso it COVID-19.
Ginpahayag ni Anna Roldan, Nurse II it RHU-II Kalibo, ro mga pasyente hay ginakaeakipan it sangka 32-anyos nga taga Brgy. Estancia ag sangka 11 anyos nga residente it Brgy. Tinigao.
Natukiban sigon nga nagpositibo sa deadly virus ro 32-anyos nga Overseas Filipino Worker matapos nga magguwa ro resulta it ginpatigayun nga RT-PCR test nga requirement sa pagbalik nana it abroad.
Samtang, ro 11 anyos hay nakaangkon it fracture rason nga gin-admit sa ospital ag idtu natukiban nga positibo imaw sa virus.
Pareho sigon nga owa naga-angkon it anumang sintomas it COVID-19 ro daywang pasyente.
Ginapahayag nga nagabuhay eamang it hasta pitong adlaw ro quarantine period sa mga fully vaccinated nga indibidwal samtang 14 diyas para sa mga owa nabakunahan ag may ginabatyag nga sintomas.
Nagapabilin sigon nga aktibo ro mga contact tracer sa kada barangay para sa pagmonitor it mga close contact.
