KALIBO, Aklan—Balik operasyon eon sa lunes nga adlaw, Pebrero 22 ro Rural Health Unit it banwa it Libacao matapos ro haeos sang domingo nga temporaryong pagsarado kara sa publiko para sa disinfection.
Suno kay Dr. Cornelio Cuatchon Jr., it Provincial Health Office ukon PHO-Aklan natapos eon ro 14-days nga mandatory quarantine it mga staff it RHU-Libacao matapos nga makasalamuha ro sangka pasyenteng nagpositibo sa COVID-19.
Base sa naging resulta it swab test nga ginpatigayon sa mga direct contact it pasyente, nagpositibo ro daywang empleyado kara rason nga ginsaraduhan anay para sa maeapnagon nga disinfection agud nga masiguro ro kaeowasan it mga raya sa uman nga pagbaton it mga pasyente.
Bangud sa natabu, nagpadaea it mga tawuhan ro PHO sa lugar agud nga padayun nga magtau it serbisyo sa mga pumueuyu.
Pagatutukan sigon it RHU-Libacao sa Lunes ro andang kampanya sa pagbakuna it mga inunga kontra sa measles rubella ag oral polio vaccine.
