-- ADVERTISEMENT --
Kalibo Aklan —– Arestado ro sangka motorista matapos nga mag-eabag sa COVID-19 curfew hour badang alas 10:15 kabi-i sa kahabaon it Brgy. Estancia, Kalibo.
Base sa report, ginkilaea ro suspek kay Eric Cerudo, sa legal nga edad, residente it nasambitang lugar.
Angot kara, samtang nagapatigayun sigon it checkpoint ro mga katapo it Kalibo PNP sa highway it natungdan nga lugar hay nag-agi sigon si Cerudo.
Kung siin kat ginapapundo eon sigon raya it mga kapulisan hay gulpi eamang ginpaharurot kara ro anang ginasakyang motorsiklo.
Bangud kara, gilayon imaw nga gin-eagas it pulisya ag insigidang gindakop.
-- ADVERTISEMENT --
Sa makarun hay nakakulong eon sa Kalibo Police Station si para sa nagakaigo nga disposisyon.
