KALIBO, Aklan — Sangka rider it motorsiklo ro patay matapos nga bumangga sa poste sa Brgy. Poblacion, Lezo ko Sabado it hapon.
Dead on arrival sa Aklan Provincial Hospital ro biktimang nakilaeang si Remark Nacor, 26, sangka construction worker ag residente it Brgy. Malandayon, Malinao.
Base sa imbestigasyon, samtang nga nagapa-uli ro biktima halin sa Brgy. Mabilo, New Washington sakay it ginamanehong motorsiklo kat gulpi eamang sigon nga naduea-an it kontrol ro driver pag-agi sa kurbadang parte it karsada ag diretsong bumangga sa poste.
Sa kabaskog it impact hay pumilit ro biktima sa poste samtang inapok ro anang motorsiklo, may pitong metro ro kaeayuon.
Ro biktima hay nag-angkon it mga nina sa ueo ag nagkaeain-eain nga parte it eawas.
Nadaea pa sa ospital ro biktima , apang patay eon kat maka-abot.
Ginasugid nga una sa impluwensiya it makahieilong nga ilimnon ro biktima kat matabu ro aksidente.
