Kalibo Aklan ——-Nagapabilin sa Intensive Care Unit (ICU) it Aklan Provincial Hospital ro sangka motorista matapos nga maaksidente sa Brgy. San Isidro, Ibajay.
Ginkilaea ro driver nga si Ranieber Qunicio, 19-anyos, sangka construction worker ag residente it Brgy. Morales, Balete.
Nakaangkon raya it lastro sa ueo rason nga insigidang ginrefer sa ICU matapos nga gin-eapatan it paunang medikasyon sa Ibajay District Hospital.
Base sa report, nagsaeampitan nga mag-inuman ro mga katrabaho ni Quincio kon sa siin kat una eon ro mga raya sa idaeom it impluwensya it aeak hay nagpamilit pa sigon imaw nga mag-uli sa andang baraks rason nga natigayon nga nadisgrasya sa under construction nga karsada sa nasambit nga lugar.
Gintinguhaan pa sigon nga punggan it anang igmanghod si Quinicio apang napas-eawan raya matapos nga magpamilit ro biktima nga magsunod sa andang mga katrabaho.
