-- ADVERTISEMENT --
KALIBO, Aklan—Bangud sa kahilungon, sangka motorista naaksidente sa ginamanehong motorisklo pasado alas 12:00 kainang aga-aga sa Brgy. Pusiw, Numancia.
Nag-angkon it nagkaeain-eain nga kahalitan sa eawas ro biktimang ginkilaea kay Cezar Mangalindan, sa legal nga edad, residente it nasambitang lugar.
Base sa report, una sa idaeom it makahieilong nga ilimnon ro biktima kat matabo ro aksidente.
Naga-pauli eon sigon raya halin sa anang gina-ubrahan kat madueaan imaw it balanse sa ginamanehong behikulo rason nga imaw hay natumba sa karsada.
Sa makarun hay padayun pang gina-obserbahan sa Aklan Provincial Hospital si Mangalindan para sa nagakaigo nga medikasyon.
-- ADVERTISEMENT --
