Kalibo Aklan —-Nag-angkon it lastro sa ueo ag pilang mga gas-gas sa eawas ro sangka eaeaki matapos nga maaksidente sa ginamanehong motorsiklo sa porsyon Brgy. Polo, New Washington.
Ginkilaea ro biktima kay Aries Juntillano, 25-anyos, residente it nasambitag lugar.
Base sa report, pasado alas 10:00 sigon kabi-i kat mag-eaong ro biktima sa anang mga barkada ag kainuman para mag-uli eon.
Kung sa siin gintinguhaan pa sigon nanda raya nga punggan nga magmaneho it motorsiklo apang nagpamilit gihapon raya nga mag-uli.
Ginapahayag nga samtang nagamaneho it anang motorsiklo ro biktima hay gulpi eamang rayang natumba tuga eon man it sobrang kahilungon.
Sa makarun hay nagapabilin pa nga nakaconfine sa Aklan Provincial Hospital si Juntillano para sa nagakaigo nga medikasyon.
