Kalibo Aklan ———Ninahan ro sangka motorcycle rider matapos nga masunggaban it ceres bus sa national highway nga sakop it Brgy. Lalab, Batan.
Ginkilaea ro driver nga si Jhon Mark Reodique, 22-anyos it Brgy. Aranas, Balete.
Base sa imbestigasyon it Batan Police Station, halin sa syudad it Iloilo ro ceres nga ginamaneho ni Herminigildo Navato, 52-anyos it banwa man it batan ag nagasunod raya sa motorsiklo apang gulpi eamang nagliko pa-waea ro driver rason nga nasapol gid raya it bus.
Bangud sa mabaskog nga impact, sumuhot imaw sa idaeom it saeakyan nga gintunaan it anang pag-angkon it lastro sa kaeawasan.
Ginapahayag dugang nga naglikaw sa blinker it police patrol ro biktima bangud sa pag-eaum kara nga nagapatigayon it checkpoint ro pulisya.
Si Reodique hay insigida man nga gindaea sa Aklan Provincial Hospital kon sa siin imaw sa makaron naka-confine para sa anang nagakaigong pagbueong.
