KALIBO, Aklan — Patay ro sangka motorcycle rider matapos nga mag-angkon it grabeng lastro sa ueo ag iba pang parte it eawas kat bumunggo sa boom crane extension sa under-construction nga tulay sa Brgy. Venturanza, Banga, aga-aga it Lunes.
Nasapwan it mga residente nga owa eon it kabuhi ro biktima nga si Antonio Gonzalo, residente it Brgy. Tagbaya, Ibajay, nagatrabaho bilang color roof installer sa Brgy. Linabuan Sur, Banga.
Ginapatihan nga madasig ro pagmaneho it biktima sa anang motorsiklo paagto sa direksyon it Balete rason nga owa napan-uhan ro extension it boom crane sa lugar.
Inigo kara ro anang ueo nga naging rason it anang insigidang pagkamatay.
Narekober sa biktima ro anang daywang cellphone nga parehong low battery.
Presenteng gina-imbestigahan it mga traffic investigator it Banga PNP ro nasambit nga aksidente.
