-- ADVERTISEMENT --
Kalibo Aklan —–Patay ro sangka motorista matapos bungguan it sangka tricycle ro ginasakyan karang motorsiklo sa daeanun nga sakop it Brgy. Candelaria, New Washington.
Ginkilaea ro biktima kay Arnol Repedro Reynaldo, residente it Sitio Bugasongan, Brgy. Guinbaliwan it nasambitang banwa.
Base sa inisyal nga impormasyon, maghalin ro biktima sa Brgy. Jugas ag nagapauli eon kunta sa andang panimaeay sakay it motorsiklo kat matabo ro aksidente.
Bangud sa mabaskog nga impact it pagkabunggo, nag-angkon it fatal nga lastro sa eawas ro biktima nga naging rason it anang hinali nga kamatayon.
