Kalibo Aklan ——-Patay ro sangka motorista matapos nga masunggaban it sangka delivery van sa national highway nga sakop it Brgy. Poblacion, Makato.
Ginkilaea it Makato PNP ro biktima nga si Henry Magdayao, 33-anyos ag residente it Denila Compound Dulunan, Arevalo, Iloilo City samtang ro van driver hay ginkilaeang si Julius Ticar, 46-anyos ag residente it Cadiz City, Negros Occidental.
Base sa inisyal nga imbestigasyon it pulisya, natabo ro aksidente sa pakurbada nga porsyon it karsada kon sa siin inigpit gid it saeakyan nga may kargang mga frozen products ro nasambit nga motorsiklo.
Nadaea pa sa sangka pribadong ospital sa banwa it Kalibo ro biktima apang ko ulihi hay gindeklara man it doktor nga binawian eon raya it hueam nga kinabuhi.
Samtang, si Ticar hay nakataeana nga iga-inquest makaron nga adlaw sa kasong Reckless Imprudence Resulting to Homicide and Damage to Property.
