Kalibo Aklan———-Patay ro sangka motorista matapos nga nasunggaban it ceres bus bandang alas-5:40 it hapon sa provincial road nga sakop it Brgy. Mabilo, Kalibo.
Ginkilaea ro biktima nga si Ramon Valencia, 59-anyos ag residente it Brgy. Polo, New Washington.
Samtang ro driver it ceres bus hay ginkilaeang si Raniel Dela Vega, 43-anyos ag residente it Brgy. Aranas, Balete.
Sa inisyal nga imbestigasyon it pulisya, pauli eon kunta ro motorista sa andang residensya kat pag-abot kara sa nasambit nga lugar hay nakasunggaban ro bus nga nagatanyag it libreng sakay sa mga essential ag frontline workers.
Nakaangkon it fatal nga lastro sa ueo ro biktima nga gintunaan it anang hinali nga kamatayon.
Sa makaron ro ceres bus driver hay una sa kustudiya it Kalibo PNP para sa nagakaigong disposisyon.
Samtang, ro insidente hay padayon pang ginaimbestigahan it mga otoridad.
