KALIBO, Aklan — Patay ro sangka 43 anyos nga eaeaki matapos nga mag-angkon it grabeng nina sa ueo matapos nga bumunggo ro anang ginamaneho nga motorsiklo sa railings sa kilid it karsadahon nga sakop it Brgy. Tambu-an, Malinao .
Gindeklarang dead on arrival sa provincial hospital ro biktimang si Dondie Zomil, empleyado it sangka resort sa Brgy. Rosario, Malinao ag residente it Brgy. Navitas, Malinao .
Base sa report, pagkatapos nga mahatud ro anang katrabaho nga electrician sa Brgy. Cabayugan, Malinao hay nagbiyahe raya pauli, apang ginasugid nga naduea-an raya it kontrol sa anang motorsiklo sa paubuson ag madanlog nga karsada tuga it pag-uean-uean rason nga sumunggab sa railing ag tumama ro anang ueo sa matig-a nga bagay .
Insigida raya nga gindaea sa ospital, apang patay eon kat maka-abot.
