POLICE Report — Patay ro sangka rider matapos nga bumunggo sa nagtabok nga anwang nga nakabuhi sa pagka-utod it anang higot, adlaw it Miyerkules sa Amulung, Cagayan.
Nakilaea ro namatay nga si Jonnel Villar, 22-anyos ag residente it Barangay Upang, Alcala.
Base sa report it Amulung Municipal Police Station, bandang alas-11:00 it gabi-i kat natabu ro insidente sa nasambit nga lugar.
Bangud nga medyu madueum ro portion it karsada, owa nataeupangdan it biktima ro nagtabok nga daywang anwang rason nga bumunggo imaw sa mga raya.
Sa kabaskog it pagbagsak it biktima sa sementadong karsada nag-angkon imaw it grabeng lastro sa ueo ag eawas.
Gindaea pa raya it mga rumespondeng otoridad sa ospital para sa nagakaigo nga medikasyon apang binawian eon it anang hueam nga kinabuhi.
