KALIBO, Aklan—Patay ro sangka rider samtang naninahan ro anang angkas matapos mahueog sa kanae ro ginamaneho kara nga motorsiklo bandang alas-3 it aga-aga it miyerkules,Mayo 15 sa Barangay Sibalew, Libacao.
Ginkilaea ro namatay nga rider nga si Harvy Zapues, 26-anyos samtang ro angkas hay si John Daryl Indedanio, sa legal nga edad, ag pareho nga mga residente it Barangay Poblacion it nasambit nga banwa.
Base sa report, ginabiyahe it daywa ro barangay road sakay it motorsiklo kat gulping mahueog raya sa kanae pag-abot sa nasambit nga lugar.
Nag angkon it grabeng lastro ro rider sa anang ueo nga naging rason it anang hinali nga kamatayon.
Ginasugid nga una sa impluwensiya it aeak ro daywa matapos nga magpamiesta ag magapauli eon kunta kat matabu ro aksidente.
Nagadaea pa it mga rumespondeng tawuhan it MDRRMO Libacao ro mga biktima sa Aklan Provincial Hospital, apang gindeklarang dead on arrival si Zapues it anang doktor.
Presenteng nagapamayad sa ospital ro angkas.
Padayun pa ro imbestigasyon it kapulisan sa nasambit nga insidente.
