Nagpaandam ro Food and Drug Administration (FDA) nga nagadaea it risgo ro mga collectible toys o mga maisot nga hampangan.
Ginpadumdom it FDA ro publiko parte kara samtang nagataas ro kasikatan it mga items ngara eabi eun sa tyempo it pagtaeaw-an it regalo.
Apisar nga una eun sa tama nga edad ro target ro mga nasambit nga produkto, pahayag it FDA nga ro mga makulay nga miniature nga replika it mga iconic nga character, sasakyan, ag butang hay maka-engganyo sa mga unga.
Ro mga ginikanan, tagapag-alaga ag iba pa nga mas una sa tama nga edad hay ginalaygayan nga likawan ro pagtao it mga collectible toys nga may maiost nga nabubueo nga bahin sa mga unga nga uwa pa it tatlong dag-on.
Agud laygayan ro mga manugbakae sa pag-eksamina sa maisot nga bahin nga mahimo maging rason it choking hazard, ro FDA hay nag bilog it sangka anti-choking tester nga ginatawag nga “Choke Guard” nga mahimo ma-access sa https://bit.ly/ChokeGuard.
Dapat man nga himo raya sa bukon it makahililo, uwa it lead ag uwa it phthalate nga materyales.
Ginlaygayan man it FDA ro mga nakolektang hampangan nga dapat nakabutang sa sangka euwas nga lugar nga indi maabot it mga unga.
