Matapos nga gin-amin it Kapuso star nga si Rita Daniela ro anang pagnabdus sa sangka show nga ginakaeakipan,nag-post man raya sa Instagram account para iga-anunsiyo man nga raya hay sa interesteng stage eon.
Makit-an man ro kasadya it soon-to-be mom sa mga pilang litrato kara nga ginpakigbahin sa anang Instagram account.
Ginpakigbahin man it aktres ro sangka video nga raya hay nagapaidaeom sa ultrasound.
Excited eon man sigon ro aktres nga makit-an ro anang baby bangud makabig nga raya ro pinaka ginapasaeamatan nga regalo maghalin sa Ginuo.
Bumuhos man it pagtamyaw kay Daniela maghalin sa anang mga katrabaho ag amega sa industriya.
Samtang, owa man nagtao it detalye ro aktres kung sin-o ro ama it anang baby ag kung anong petsa imaw nakataeana nga maga-onga.
