Kon ro blood pressure hay eampas sa 140 over 90 posibleng ray hay altapresyo eon.
Apang kon gaoy, naakig ukon naga-exercise, magataas man ro inyong presyo apang owa nagakahueugan nga high blood eon.
Dapat ro pagbo-oe it blood pressure hay kon kamo hay nagapahuway eon , owa it gina obra ag naka relax mode.
Ro normal nga blood pressure hay manaba sa 140 over 90.
Ro pinakamayad nga blood pressure hay 120 over 80.
Kon mas manaba pa kara hay okay man.
Apang siyempre, indi man kinahangean nga masyadong manaba ro inyong presyon ukon mas manaba pa sa 90 over 60 bangud nga basi nga senyales man raya it mahinang tagipusuon.
Ham-an nga nakaka angkon it alta presyon, daywa ro ginahalinan it alta presyon.
Una hay gina mana raya sa mga ginikanan.
Ikaywa hay nabobo-oe sa saea nga pagpangabuhi kapareho it pagpanigarilyo , pagiging eampas sa timbang , pagkaon it sobrang aeat ag matambok ag kueang sa exercise.
Pwede man nga maging rason ro pagpueaw, kueang sa tueog, pirmeng akig, sobrang init it tiempo ag sakit sa bato
