KALIBO, Aklan—Nagapadayun ro road clearing operation 2.0 sa probinsiya it Aklan.
Raya ro ginpahayag ni Ibajay mayor ag League of the Municipality of the Philippines ukon LMP-Aklan chapter president Jo-en Miraflores matapos nga gin-anunsyo it Department of the Interior and Local Government (DILG) ro pagbalik it nasambit nga aktibidad ko Nobyembre 16 ag magabuhay hasta sa Enero 15, 2021.
Apang ro may mabahoe nga responsibilidad sa makaron hay ro mga barangay council bangud nga ginapatutukan kara ro mga barangay roads.
Bangud kara, ro mga lokal nga gobyerno ukon LGU’s suno kana hay magiging miyembro eon it evaluation team kaibahan it DILG ag gobyerno probinsiyal.
Sa makaron hay matsa follow-up eon lang ro ginahimo it mga barangay officials bangud nga natigayon eon nanda nga mabo-oe ro mga sabeag sa daeanon ko una nga ginpatigayon ro road clearing operations.
Sa pihak kara, ginpasiguro it kada LGUs sa mga barangay councils ro andang pakikipagbueuligan.
Limitado eamang sigon sa aktibidad ro pagbo-oe sa mga sabeag sa karsadahon nga ginakonsiderang peligroso sa mga motorista.
Magapangatubang suno kana sa kasong administratibo ro mga opisyal nga mapas-eawan nga makasunod sa direktiba.
