KALIBO, Aklan—Nagpadumdom si Liga ng mga barangay president ag Pook Punong Barangay Ronald Marte sa mga sidewalk ag talipapa vendors nga magsunod sa minimum health protocols it Department of Health (DOH) ag magtaeana it daean sa mga pedestrian.
Suno kana, kinahang-ean nga siguraduhon it kada vendors nga ginasunod nanda ro protocols agud nga indi sanda maapektuhan it ginapatuman nga road clearing operation it Department of the Interior and Local Government (DILG).
Dapat sigon nga siguraduhon it mga raya nga owa sanda naga-obstruct sa karsada ag hugut nga ipatuman ro minimum health standards sa andang mga bumaeakae partikular ro physical distancing.
Raya hay para malikawan ro pagkalhit it Coronavirus Disease 2019 ukon COVID-19.
Ginpahayag dugang nga nakaangkon eon man sanda it dayalogo sa mga kabarangayan ag gintugyan eon sa mga raya ro responsibilidad sa pagpabilin it kaayusan ag kalimpyo sa andang nasakupan.
