Magapadayon ro road clearing operation sa banwa it Malay ag isla it Boracay.
Raya hay suno kay P/Lt.Col. Don Dicksie De Dios, hepe it Malay PNP station sa interview it Bombo Radyo Kalibo.
Tanan nga mga obstruction sa daeanon hay kinahang-ean eon nga makakas eabi eon sa isla it Boracay kon siin nagainabo eon ro mga turisa nga nagabisita.
Mag-eowas kara, hugot gihapon nanda nga ginapatuman ro minimum health protocols eabi eon ro pagsuksok it face mask bangud nga uwa pa it executive order nga ginpaguwa si Pangueong Ferdinand Marcos Jr. maskin nga may rekomendasyon eon ro Inter-Agency Task Force in Infectious Disease nga himuon eon lang nga optional ro pagsuksok it face mask.
Nasayuran nga striktong ginaimplementar sa Boracay ro pagsuksok it facemask mag-eowas eon lang kon maga-eosong ka eon sa dagat para magpaligos.
