NATIONAL News — Sangka hagna ro ginaduso makaron ni Senator Robin Padilla agud nga maging legal sa Pilipinas ro medical marijuana ukon cannabis.
Sa Senate Bill No. 230 ukon “Medical Cannabis Compassionate Access Act of the Philippines” nga gin-file makaron nga adlaw it Biyernes, ginpahayag nga pagapasugtan ro medical cannabis agud mabuligan nga maboeong ro medical condition ukon sintomas nga ginapakita it qualified patient.
Sakop man it legalization it medical cannabis ro acquisition, possession, transportation, delivery, dispensation, administration, pagtanum, ag manufacturing para sa medical purposes.
Ro nakabaehag nga “debilitating medical conditions” sa qualified patients hay ro mga masunod: cancer; glaucoma; multiple sclerosis; damage to the nervous system of the spinal cord, with objective neurological indication of intractable spasticity; epilepsy; positive status for human immunodeficiency virus (HIV) ukon acquired immune deficiency syndrome (AIDS); ag rheumatoid arthritis ukon chronic autoimmune inflammatory disorders.
Sa pag-file it Senate Bill 230, ginduso man ni Padilla ro pagpabaskog it pagtuon sa medicinal properties it marijuana nga ginagamit it ibang nasyon bilang herbal medicine sa pagbueong sa mga kondisyon kapareho it gout, rheumatism, ag malaria.
