Robredo, inde eon kinahang-ean hangkaton; haom magpabakuna kontra Covid-19

National News——–Gin-insister ni Vice President Leni Robredo ro anang kahauman nga maunang maturukan it COVID-19 vaccine.

Pahayag raya it bise presidente matapos raya nga hangkaton ni dating special assistant to the president Sen. Bong Go nga dunganan si Pangueong Rodrigo Duterte sa pagbakuna.

Sa pihak it panindugan sa pagbakuna, nagapati si Robredo nga dapat gihapon maunang turukan si Duterte bilang lider it nasyon.

Para sa bise presidente, kaparehas it ibang nasyon, mas mabahoe ro hatak sa kumpiyansa it publiko kon mismong presidente ro sambilog sa unang makabaton it bakuna.

Mag-eowas sa pagpa-bakuna it mga lider, gin-insister man ni Robredo ro importansya it pagklaro sa publiko sa kon anong klaseng bakuna ro pagagamiton sa populasyon.