KALIBO, Aklan—Ginkumpirma ni Dr. Cornelio Cuatchon it Provincial Health Office ukon PHO-Aklan nga owa pa nakapaguwa it gin amyemdahan nga executive order si Aklan Governor Florencio Miraflores angot sa mga naga-uli nga returning overseas Filipino workers ag locally stranded individuals.
Suno kay Dr. Cuatchon nga maskin nga owa eon nagakinahangean it negatibong RT-PCR test ro mga naga-uli nga LSIs, apang kinahangean gihapon nanda nga i-comply ro ibang documentary requirements kapareho it medical certificate sa ginhalinan nga lugar, letter of acceptance halin sa LGU nga paga-uli-an ag travel authority halin sa PNP.
Gindugang pa kara nga samtang owa it amendments sa EO ni Governor Miraflores hay magapabilin ro requirements para sa mga ROFs.
Paga-istoryahan pa sigon it Provincial Inter-Agency Task Force against covid-19 ro ginpaguwa nga bag-ong mandu it national IATF.
Nasayuran nga sa idaeum it bag-ong mandu, indi eon paga-obligahon ro mga maga-uli nga ROFs nga magpaidaeum sa daywang domingo nga quarantine period.
Kinahangean eamang nanda nga magpresenta it pamatuod nga natapos nanda ro quarantine ag negatibo ro RT-PCT tests halin sa Manila.
Apang mas pabor sigon it Dr. Cuatchon nga makaangkon sa gihapon it quarantine pag-uli sa aklan agud nga makasigurado nga clear sanda sa Covid-19.
