Ginpahayag it Land Transportation Franchising and Regulatory Board (LTFRB) nga nakataeana nga sa katapusan it buean ukon unang bahin it Hulyo ro pagpatigayon it ikaywang parte it P5-bilyong fuel subsidy program para sa mga driver ag operator it public utility vehicle (PUV).
Suno kay LTFRB Executive Director Tina Cassion nga ginapahaom eon it ahensya ro mga dokumento para sa pagpanudpod it panibag-ong P6,500 fuel subsidy para sa kada benepisyaryo it PUV sector.
Dugang pa nana kara nga ku nagtaliwan nga dominggo hay owa pa it 5,000 sa 377,000 benepisyaryo ro owa pa nakakabaton it unang tranche it fuel subsidy.
Ginpaguwa man it LTFRB ro listahan it mga benepisyaryo nga may credited fuel subsidy.
Mataeopangdan nga may daywang pareho nga tranches, ro P5-Bilyon fuel subsidy program it gobyerno nga tuyo nga paeawigon ro P6,500 cash grants sa kada isa sa 377,000 benepisyaryo, kaibahan ro LTFRB-supervised PUV drivers and operators, tricycle drivers ag operators sa idaeom it Department of the Interior and Local Government , ag mga delivery riders sa idaeom it Department of Trade and Industry.
