Medyu malabo pa nga mapatuman ro ginahirit it pilang commuters sa banwa it Kalibo nga rollback sa pamasahe.
Raya hay matapos nga owa raya natalakay sa ginpatawag nga consultative meeting ni Kalibo vice mayor Cynthia dela Cruz kaibahan ro mga presidente it nagkaeain-eain nga tricycle operators and drivers association ukon TODA.
Sa baylo, ginturo it bise alkalde ro pagsabat sa isyu kay sangguniang bayan member Matt Aaron Guzman bilang imaw ro chairman it committee on transportation.
Suno kay vice mayor Dela Cruz nga naging sentro it andang pueong ro pag-obliga sa mga tricycle drivers nga antes nga makabo-oe ukon maka-renew it prangkisa hay kinahangean nga magpa-miyembro anay sanda sa natungdan nga TODA.
Tuyo kara nga malikawan ro pagkalhit it mga colorum nga tricycle kamana nga maibalik ro dating patakaran.
Nasayuran nga natukiban it lokal nga gobyerno nga pila sa mga nagabiyahe nga driver it tricycle hay bukon it miyembro it TODA bangud sa ginareklamo nga mataas nga baeayran.
Ginsuhestiyon man sigon nanda nga ro i-offer nga membership hay regular eang agud nga bukon it mahae ro pagabayaran nga membership fee.
Aminado man ro opisyal nga medyu mahae ro baeayran kon ro gina intrahan hay membership sa kooperatiba ag sa pila .
