-- ADVERTISEMENT --
Nagpatuman it P3 rollback kada kilo it Liquefied Petroleum Gas (LPG) ukon cooking gas ko Biyernes it agahon ro mga LPG company.
Katumbas raya it P33 nga bawas sa kada 11-kilong tangke.
Suno kay LPG Marketers’ Association (LPGMA) President Arnel Ty, ro pagnaba sigon it presyo it LPG hay tuga it mas baratong shipping ag transport costs.
Posible pa sigon raya nga masundan it panibag-ong rollback depende sa paghueag it presyo it langis sa merkado.
Samtang, madumduman nga ginpirmahan ni Pangueong Ferdinand Marcos Jr. ro sangka executive order nga nagasuspinde it excise tax sa LPG ag kerosene sa sueod it tatlong buean bilang kaparte it mga tikang it gobyerno agud nga mabuhinan ro epekto it krisis sa langis.
-- ADVERTISEMENT --
