-- ADVERTISEMENT --
Magapatuman it buhin-presyo sa mga produktong petrolyo ro mga kompanya it langis sa nasyon antes pa man matapos ro buean it Hulyo nga magiging epektibo makaron nga adlaw it Martes.
Sa abiso it mga kompanya it langis sa nasyon, magapatuman sanda it buhin presyo nga P0.75 sentimos sa kada litro it gasolina, P0.85 sentimos sa kada litro it diesel ag P0.80 sentimos mat-a sa kada litro it kerosene nga epektibo alas-6:00 it agahon.
Ginpahayag it Department of Energy nga ro pagnaba it presyo it petrolyo hay bangud sa pagpaugan it kabaeaka sa tensyon nga nagpatunga sa Iran ag Israel matapos hambaeon it Tehran nga uwa raya nagahandom nga magbaeos sa welga it Israel ko nagtaliwan nga dominggo.
