Gin-saylo eon sa Quezon City Jail Male Dormitory sa Payatas si dating House Speaker Martin Romualdez.
Nag-abot ro convoy nga nagdaea kay Romualdez halin sa University of the Philippines (UP)-Philippine General Hospital (PGH) it bandang 10:54 it gabi ku Lunes, Setyembre 14.
Nag-agi sa standard commitment ag booking procedure sa Quezon City Jail si Romualdez nga ginakaeakipan it pagkumpiska sa mga bukon it otorisadong gamit, pag-buoe it mug-shot, pag-usisa sa medical history ag ro daeayon nga pag-butang sa gintaeana nga selda.
Ro nasambit nga pag-saylo kay Romualdez sa QC Jail hay base sa naging kasuguan it Sandiganbayan nga dapat isaylo eon sa QC Jail ro mamalidha matapos nga makitang “clinically stable” ag indi eon dapat padayunon ro pagpabilin sa pabueungan.
Naaresto si Romualdez ku Setyembre 7 matapos nga magpaguwa ro Sandiganbayan it warrant of arrest bangud sa P7.4 bilyon plunder nga ginpasaka it Office of the Ombudsman.
Unang na-confine raya sa Cardinal Santos Medical Center antes nasaylo sa UP-PGH ku Sabado, Setyembre 12 para sa independent examination.
