Nagapanindugan makaron si dating presidential spokesman Harry Roque nga indi eun raya magbalik sa Pilipinas hasta wa it sugo nga ginpaguwa ro Korte Suprema.
Ginpamilit kara nga uwa raya it anuman nga hold departure order o kaso ngani may kinamatarong raya nga magbyahe.
Kun indi magpaguwa ro Korte Suprema it kasuguan hay hueaton eun lamang nana nga matapos ro termino it mga kongresista.
Matandaan nga nagsumite si Roque it notarized counter-affidavit halin sa Abu Dhabi bangud sa kaso kara nga qualified human trafficking nga ginpasaka kana nga may kaangtanan sa operasyon it Philippine Offshore Gaming operator (POGO) hub sa Porac, Pampanga.
Nagapahaom eun man ro Bureau of Immigration it kaso kontra kay Roque matapos sigon nga nameke raya it mga dokumento para makaguwa it nasyon.
