Uwa pa nagapasa si dating presidential spokesperson Harry Roque it anang counter-affidavit sa qualified trafficking complaint nga gindihon kontra kana sa Department of Justice (DOJ) matapos nga no show raya o uwa nag-adto sa ginhimo nga preliminary investigation ku Lunes, Nobyembre 18.
Sa sangka pakikipag-angot sa DOJ, ginpahayag ni prosecutor Eugene Yusi nga gin-abisuhan eun si Atty. Roque angot sa preliminary investigation ag sa reklamo kontra kana.
Paliwanag it piskal nga kun mapas-eawan si Roque nga mag-atubang o makigbahin sa paunang pagsiyasat, resolbahon ro reklamo base sa ebidensyang nakaeakip sa reklamo.
Apang suno man kay Atty. Roque, uwa pa sigon nana nababaton ro kopya it reklamo at uwa sigon it summon halin sa DOJ.
Nag-ugat ro nasambit nga reklamo kontra kay Roque matapos magdihon ro mga awtoridad ku Oktubre it supplemental complaint affidavit kontra sa dating presidential spokesman kun siin gin-iba imaw sa inisyal nga trafficking complaint kontra kanday Cassandra Li Ong, ro authorized representative it ginsalakay nga POGO hub nga Lucky South 99 sa Porac, Pampanga ag iba pa.
Apang nauna man nga ginpamalibatan ni Roque ro nasambit nga alegasyon kontra kana.
