NATIONAL News — Gin-engganyo ni Lingayen-Dagupan Archbishop Socrates Villegas ro mga Katoliko nga magpangamuyo it Rosaryo kontra sa agresibong tikang it China sa West Philippine Sea.
Ro “Rosary Campaign” hay maga-umpisa sa Hunyo 27 ag raya hay magatapos hasta sa Agosto 15 ukon ro kapiyestahan it Solemnity of the Assumption of the Blessed Virgin Mary.
Ginkumbinyo man ni Villegas ro mga tawo nga sa raya nga tiempo hay dapat nga magpamaeandong ag magbulig sa mga pobre.
Nagakabaeaka ro dating pangueo it Catholic Bishop Conference of the Philippines sa gina-obra nga agresibong tikang it China nga nakaka-apekto sa pagpangabuhi it mga manginigsda ag pagkasamad it kaeawran.
Nagpanawagan man raya sa pumueuyu nga depensahan ro nasyon ag magpatrolya ro militar sa kaeawran it Pilipinas agud nga maprotektahan ro mga mangingisda.
Nagakadapat man sigon nga magpatigayon ro mga mamalidha it tikang agud nga mapasabat ro mga una sa likod nga nagpahamak sa national security ag interest it nasyon.
