Igadihon sa uman ni Senator Ronald “Bato’ Dela Rosa ro sangka bill may kaangtanan sa mandatory Reserve Officers’ Training Corps sa 19th Congress sa oras nga magbukas raya sa Hulyo 25 it presenteng dag-on.
Suno sa Senador, ku nagtaliwan nga 18th Congress ginduso eon nana raya apang bukas man sigon imaw sa maging bersyon it proposal ni incoming Education Secretary ag VP-elect Sara Duterte Carpio kasunod sa ROTC.
Sa idaeom it proposal ni Dela Rosa, ro mandatory ROTC program hay iga-eakip sa asignatura it mga Grade 11 ag Grade 12 sa pampubliko ag pribado nga mga eskwelahan.
Maging bukas man ro advanced ROTC sa unang daywang dag-on sa higher education para sa mga gusto nga maging opisyal.
Suno sa Senador, ro anang ROTC bill hay sangka mild version sigon kumpara sa mandatory 2-year military service nga ginaduso ni VP-elect Sara.
Samtang nauna eon man nga ginpahayag it Commission on Higher Education (CHED) nga bukas raya sa suhesiyon nga pagahimuon nga mandatory education attainment ro ROTC apang kinahangean sigon nga maging kaparte it nasambit nga programa ro pag-angkon it sangka disaster response training.
