KALIBO, Aklan — Mabahoe ro posibilidad nga rouge wave ukon mga mabahoe nga humbak ro tumama sa Brgy. Caano, Kalibo ko nagtaliwan nga adlaw nga ginkasamad it 11 tanan nga kabaeayan nga nahamtang sa kilid it baybay.
Apang suno kay Terence Toriano, head it Municipal Disaster Risk Reduction and Management Office ukon MDRRMO Kalibo nga ro eksperto eamang ro makatumod kon ano ro ensaktong termino.
Indi sigon kara makabig nga storm surge bangud nga nakataliwan eon ro bagyong pepito kat matabu ro insidente.
Indi man pwede ro tsunami bangud nga owa man it bagyo .
Gindescribe ni Toriano nga ro mga rogue wave hay pwedeng tumama nga owa it paandam.
Raya sigon hay mga mabahoe nga humbak nga gulpi eamang nga nagatuhaw ag nagatuga it peligro sa mga barko ag mga imprastraktura sa kilid it dagat ag pwede man raya nga pumatay.
