KALIBO, Aklan—Naghinyo ro Royal Family sa mga pumoeuyo it United Kingdom nga taw-an sanda it privacy kasunod it paghatod kay Prince Philip, Duke of Edinburgh sa anang ulihing paeahuwayan.
Suno kay Bombo International Correspondent Merdz Vidal it South West, London, UK nga bandang alas 3:00 kaina it hapon (oras sa UK) hay owa eun it may nagabyaheng mga saeakyan kamana man nga naghipos ag owa anay nakri-ar it ano man nga sangag ro publiko.
Raya hay bangud man sigon sa ginpangayo it royal family nga moment ofsilence bilang pagtao it respeto sa andang miyembro it pamilya nga namatay.
Nasayuran nga kapin sa 30 katawo eamang nga miyembro it royal family ro naghatod kay Prince Philip sa Windsor Castle, kung siin imaw hay gineubong.
Ginlimitahan man nga 30 eamang ro numero it mga magatambong sa ceremony, masobra 700 military personnel man ro magatao it ceremonial support sa guwa bilang pagkilaea kay Prince Philip sa anang military career.
Nagsanib-puwersa ro miyembro it Royal Navy, Royal Marines, British Army ag Royal Air Force.
